டெல்லி.
பொருளாதார நிபுணரும், திட்ட கமிஷன் முன்னாள் துணைத் தலைவருமான மான்டேக் சிங் அலுவாலியாவின் "பேக்ஸ்டேஜ்" என்ற புத்தக அறிமுக விழாவில் புத்தகத்தை அறிமுகப்படுத்தி முன்னாள் பிரதமர் மன்மோகன் சிங் பேசியதாவது:-அப்போது அவர், முன்னாள் திட்டக்குழு துணை தலைவர் தனது புத்தகத்தில் காங்., அரசின் பலவீனங்கள் குறித்து மிகச் சிறப்பாக எழுதி உள்ளார். இந்த பிரச்னைகள் குறித்து விவாதிக்கப்பட வேண்டும் என நினைக்கிறேன். ஏனெனில் தற்போதைய அரசு பொருளாதார மந்த நிலை குறித்த வார்த்தைகளை ஏற்றுக் கொள்ள மறுக்கிறது. இது நமது நாட்டிற்கு நல்லதல்ல. பிரச்னையை அவர்கள் ஏற்றுக் கொள்ளாத வரை தீர்வு காண முடியாது. நீங்கள் சந்திக்கும் பிரச்னைகளை புரிந்து கொள்ளவில்லை என்றால் அதை சரி செய்வதற்கு சரியான நடவடிக்கை எடுக்கவோ, நம்பகமான பதில்களை உங்களால் பெறவோ முடியாது. இது தான் உண்மையில் ஆபத்து.
சக்திபாரதி
